Wednesday, April 1, 2015

അച്ഛണ്റ്റെ സീരിയല്‍

 ടി.വി. യില്‍ മുഴുവന്‍ സ്ത്രീപീഠനസീരിയലുകള്‍ ആയതിനാല്‍ ഇടയ്ക്കൊക്കെ ഭാര്യ ആ ചാനലില്‍ കണ്ണ്‍ ഉടക്കി നില്‍ക്കുമ്പോള്‍ ഞാന്‍ പൊട്ടിത്തെറിക്കാറുണ്ട്‌.

പൊതുവേ മിന്നുവും ദേവുവും കാര്‍ട്ടൂണ്‍ ചാനലുകള്‍ കയ്യേറുന്നതിനാല്‍ ന്യൂസ്‌ ചാനല്‍ എനിക്ക്‌ വളരെ കുറച്ചേ കാണേണ്ടി വരാറുള്ളൂ.

ദേവു ഒരു ന്യൂസ്‌ ചാനല്‍ വെച്ചുകൊണ്ട്‌ എന്നോട്‌ വിളിച്ചു പറഞ്ഞു..

"അച്ഛാ.. ദേ അച്ഛണ്റ്റെ സീരിയല്‍" 

കറുത്ത പൂച്ച

ഒരു കറുത്ത പൂച്ച പോകുന്ന കണ്ട്‌ ദേവൂണ്റ്റെ കമണ്റ്റ്‌..

"അമ്മേ.. ഒരു കുളിക്കാത്ത പൂച്ച പോണൂ... കുളിക്കാത്തോണ്ടാ അത്‌ കറുത്ത്‌ പോയേ.. "

'ചിലര്‍ കുളിച്ചിട്ടും കാര്യമൊന്നുമില്ല' എന്ന് അര്‍ത്ഥം വെച്ചുകൊണ്ടുള്ള ഭാര്യയുടെ ഒരു നോട്ടം എനിക്ക്‌ നേരെ ഉണ്ടോ എന്ന് എനിക്കൊരു സംശയം ഉണ്ടാവാതിരുന്നില്ല.