കുറേ
നാളായിട്ട് ദേവുവും മിന്നുവും നോട്ടമിട്ടു വെച്ചിരിക്കുന്ന ഒരു ഭംഗിയുള്ള ചെറിയ തലയിണ
വാങ്ങിക്കാന് ഇടയായി. ആ സാഹചര്യത്തില് ഒരെണ്ണമേ
വാങ്ങാന് കഴിഞ്ഞുള്ളൂ. ഒരെണ്ണം മതി, ഞങ്ങള് ഷെയറ് ചെയ്തോളാം എന്ന് രണ്ട്
ക്ടാങ്ങളും പ്രഖ്യാപിക്കുകയും ചെയ്തു.
“ഇത്
ഇന്ന് ഞാന് എടുക്കാം.. ചേച്ചി നാളെ എടുത്തോ, അത്
കഴിഞ്ഞ് ഞാന്” ദേവു നിര്ദ്ദേശം വെച്ചു.
അന്ന്
അങ്ങനെ ദേവു ആ തലയിണയുമായി ഒട്ടിച്ചേര്ന്ന് ജീവിച്ചു.
പിറ്റേന്ന്...
മിന്നു
വന്ന് തലയിണ എടുത്തു. “ഇന്ന് എനിക്കാണ്”
“അയ്യോ
അല്ല... ഇന്ന് എനിക്കാണെന്നല്ലേ പറഞ്ഞേ.. നാളെയല്ലേ മിന്നുച്ചേച്ചിക്ക്” ദേവു ഉടക്കായി.
“ഇന്നലെ
ദേവു എടുത്തില്ലേ.. ഇന്ന് എനിക്കാണെന്നല്ലേ പറഞ്ഞേ..”
മിന്നു
വീണ്ടും കാര്യം പറഞ്ഞ് മനസ്സിലാക്കാന് ശ്രമം.
“അല്ല
അല്ല... ഇന്ന് എനിക്കാണെന്നാ പറഞ്ഞേ.. മിന്നുച്ചേച്ചിക്ക് നാളെയാന്നാ പറഞ്ഞേ..”
ഇന്നലത്തെ
‘നാളെ’യാണ് ഇന്നത്തെ ‘ഇന്ന്’ എന്ന് ഈ കൊച്ചിനെ എങ്ങനെ പറഞ്ഞ് മനസ്സിലാക്കാനാണ്.