Monday, June 8, 2015

സംശയം

ദേഷ്യം വരുമ്പോള്‍ ഡോഗിന്‍റെ പച്ചമലയാളം വിളിക്കുന്ന സ്വഭാവം ദേവൂനും ഉണ്ട്.

പലപ്പോഴായി ഉപദേശങ്ങളും ഭീഷണികളുമൊക്കെ ആയതിനാല്‍ ഇടയ്ക്ക് ദേവു ഒന്ന് നന്നാവാന്‍ ശ്രമിക്കും.
ആ നന്നാവലിന്‍റെ ഭാഗമായി ഇന്നലെ സ്നേഹത്തോടെ വന്ന് ദേവു അമ്മയോട് ചോദിക്കുന്നു. “അമ്മേ.. നായാന്ന് വിളിക്കാന്‍ പാടില്ലാല്ലേ..?”

പട്ടി എന്നതിനെ ഭേദപ്പെടുത്തി നായ എന്ന് ആക്കിയതിന്‍റെ കൌതുകത്തില്‍ ഇതാണെങ്കിലും അഡ്ജസ്റ്റ് ചെയ്യാമെന്ന് തോന്നിയെങ്കിലും ദേവൂന്‍റെ അമ്മ പാടില്ല എന്ന് സപ്പോര്‍ട്ട് ചെയ്തു.

ഉടനെ അടുത്ത ചോദ്യം “പപ്പിക്കുട്ടീന്ന് വിളിക്കാമോ?”

ആ വിളിയേയും നിരുല്‍സാഹപ്പെടുത്തി വിട്ട ദേവുവിനെ മിന്നുച്ചേച്ചി
പപ്പിയുടെ അര്‍ത്ഥം പഠിപ്പിക്കുന്നുണ്ടായിരുന്നു.



No comments:

Post a Comment